|
Il cuatri
dal mês di fevrâr
e je une zornade particolâr,
Aldo Taboga di Levrons,
che al è simpri tra i prontons,
a cualsisei invît a presentâsi,
e cjapâ sù cui chel al vûl fotografâsi.
Chest an, Aldo, al finis i agns otante,
che al vûl dî: par gjambe cuarante.
No ‘nd è pôcs, ma nancje tancj,
tant che al pues vivi ancjetancj.
Inte sô vite ogni mistîr al à fat,
ma nol è mai stât distrat.
Cussì al à scomençât come sartôr,
par continuâ cul ordenadôr,
e cul timp si è metût a fâ,
no dome par fâlu passâ,
ma ancje par tirâ la atenzion
di une vore di int za in pension.
Ma soredut pai tancj emigrants
che, bandonâts dai sorestans, |
par dut il
mont a son partîts,
cirint di fâsi une gnove lidrîs.
E, Aldo, par fâsi une buine reson:
“di ca e di là dal Nadison”
al à clamât cussì chest so sît,
che aromai di tancj al è seguît.
Altris iniziativis a ‘nd’à vudis,
e ancje se a jerin tant seguidis,
bandonâlis al à scugnût,
e chest i à tant tant displasût,
par vie de salût malferme
e cirî une medicazion moderne.
In cheste zornade cussì tant biele,
o voressin che e fos come une stele,
par che Aldo le passàs in sane ligrie
e che nol pensàs a nìe,
cussì come i augurìn
che al sedi plen di morbin
e la tace par un cin cin alçant,
al vedi la vôs tant che un cjantant. |
