|
Presentazion dal libri "Trilogjie tormentade"
di pre Antoni Beline
Glesie Furlane in acuardi cul Cumun di Codroip e
presente la gnove edizion dal libri di pre Antoni Beline «TRILOGJIE
TORMENTADE» “premi S. Simon 1999”.
Intervents: Zuan Pieri Biasatti, Dean di Glesie Furlane; Pieri
Fontanini, President de Provicie di Udin. Progjet "Pre Antoni Beline:
un profete pal Friûl di doman" Protocol di intese pe publicazion de
"Opera Omnia"; Vittorino Boem, Sindic di Codroip. Relazion di pre
Tonin Cappellari, Plevan a Ruvigne
Apertura del
presidente di "Glesie furlane" Giovanni Pietro Biasatti..
...seguita da interventi del presidente Pietro Fontanini,
del sindaco Vittorino Boem e del presidente dell'ARLEF Lorenzo Zanon...
pre Toni Cappellari ha poi svolto la sua approfondita relazione...
...alla fine alcune persone hanno presentato le proprie
testimonianze...
...seguite con grande attenzione dal pubblico presente...
|
TRILOGJIE
TORMENTADE
L'AUTÔR
Pre Antoni Beline (Bellina Pietrantonio), nassût a Vengon ai
11 di fevrâr dal 1941, al è jentrât tal seminari di Cjestelîr
e di Udin, là che al a fat il cors di studis regolârs. Dal
1965, ai 29 di jugn, al è stât ordenât predi te Metropolitane
di Udin e al a dite la prime messe a Vençon ai 4 di lui.
In setembar al a vude la
nomine a cooperadôr-capelan di Codroip, là che al a esercitât
lis sôs primiziis fint al mês di avril dal 1968.
In chest stes an, ai 11
di mai, al è jentrât come plevan te plêf di San Martin di Val
e Rualp (Rivalpo-Valle) in comun di Darte, e di san Zuan
Batiste di Treli, in comun di Paulâr. Lassù al a operât par 14
agns, zontant, a la so vore pastorâl e umane, il compit di
insegnant. Prime a Tumieç, come insegnant di religjon al
Stringher e po a Treli, come mestri di scuele elementâr. Par
agns al a fate ancje une esperience di scuele privade in
canoniche pai fruts e pes frutis che no podevin lâ a lis
scuelis mediis. Une esperience che si riclamave, almancul te
intenzion, a la scuele di Barbiana di don Milani. In Cjargne
al a scomençât ancje la so ativitât di scritôr, che e a durât
di passe trent'agns. Il prin libri, come ch'al risulte de
bibliografìe, al è dal 1974. Po al a lât indenant fint a la
produzion atuâl.
Dal 1982, par resons di
salût, al a bandonade la Cjargne e si è trasferît a Visepente
di Basilian, come mestri e come plevan. Cessade l'ativitât
didatiche, al a dât sot par agns a la traduzion integral de
Bibie par furlan, la prime dal gjenar pe nestre comunitât. In
plui al a tradusût dal test uficiâl latin, par cont e cui
jutori dai amis di Glesie Furlane, il «Messâl roman» che, si
spere, al deventarà un imprest fondamentâl pe nestre glesie.
Al a vinçut dôs voltis il
premi «S. Simon» di Codroip: dal 1981 cun «Pre Pitin» e dal
1999 cu la «Trilogjie tormentade». Dal 2000 al a cjapât il
premi Pefanie di Tarcint.
Al è muart a Visepente ai
23 di Avrîl dal 2007.
Cun cheste vore, dade dongje intune etât de vite che si
svicine a la sere, o ai
 volût
fâ un percors spirituâl analogjic. O soi lât a cirî virtût,
insegnament, sapience, profezie, regule di vite, riflès di Diu
là che par solit no si va a cirî. O ai componût un tritic
ideâl, une trilogjie, là che no ai rafigurât trê sants che
ducj ju laudin ma trê personis, tré esistencis, trê fradis che
inte lôr vite a son stâts criticâts, emargjinâts, condanâts
dai benpensants e dai tutôrs dal bon ordin, che nol è simpri
ordin e raramentri bon. Trê animis tormentadis ma che nus
tormentin ancje nô e che il passa inesorabil dal timp e il
cuietâsi terapeutic des passions e dai prejudizis nus ai
presentin te lôr grandece simpri plui sflandorose, tes lôr
intuizions simpri plui profondis, te lôr unicitât simpri plui
evident e marcade. Animis che a son jentradis te eternitât ma
che de eternitât a continuin a fevelânus e a segnânus la
strade come stelis tal firmament. E dome Diu al sa trope
dibisugne che o vin di stelis in chest nestri cil simpri plui
fumul, in cheste gnot simpri plui scure e incuietant. |
Pre Beline, une peraule inmò vive
Il president di Glesie
Furlane (www.glesiefurlane.org),
Zuan Pieri Biasat; il sindic di Codroip, Vittorino Boem; il
president de Agjenzie Regjonâl pe Lenghe Furlane, Lorenzo Zanon;
il president de Provincie di Udin, on. Pieri Fontanini; segretari
di Glesie Furlane, pre Tonin Cjapielâr che al à tignude la
relazion sientifiche de serade e soredut tante tante int martars
27 di Otubar a àn ricuardât pre Antoni Beline vie pe presentazion
de seconde edizion di “Trilogjie Tormentade”, tornât a stampâ
dentri dal progjet plurienâl de “Opera Omnia”.
“Un percors che la
Provincie di Udin e in particolâr cu la profonde convizion dal so
presindent Fontanini e tornarà a dâ ai letôrs buine part dal
patrimoni bibliografic scrit di pre Antoni Beline” al à dit Zuan
Pieri Biasat “Si trate di titui aromai esaurîts di agns, di
racueltis di articui e ancje inedits che a fasin sintî che il
messaç di chest grant scritôr che al à regalade la Bibie al popul
furlan te sô lenghe”. Un ringraziament al è lât ancje al comun di
Codroip par vê volût celebrâ ancje i 30 agns dal premi Sant Simon
cun cheste riedizion che e cole juste tai decenâl de vitorie di
pre Beline che tal 1999 al veve concorût propit cun “Trilogjie
Tormentade” e come che al à ricuardât il sindic Boem “E jere la
seconde volte che pre Antoni al puartave a cjase il premi, dopo
che lu veve vinçût tal 1983 cul libri intitulât a pre Pitin”. Il
president de Provincie di Udin, finanziadôr di cheste prime part
che e conte 10 titui de Opera Omnia, on. Pieri Fontanini al à
marcât la impuartance dal lavôr di pre Antoni Beline che “Al à
lavorât simpri par popul furlan e par dânus a nô furlans chê
braure pe nestre lenghe, pe nestre culture, pe nestre identitât”.
Lorenzo Zanon al à ricuardade la figure di pre Beline, tacant de
colaborazion che cun pre Checo Placerean e à puartât a la
traduzion de Bibie par furlan, che chest an a colin di 25 agns de
presentazion.
Ma la vive vôs di pre
Antoni Beline e je tornade a fevelâ a la platee numerose midiant
des peralis di pre Tonin Cjapielâr, un dai siei amîs e
colaboradôrs plui strents, che al à fat une profonde e sintude
analisi di “Trilogjie Tormentade”, lant a meti in lûs i elements
di comunion e di distinzion di don Lorenzo Milani, Oscar Wilde e
Pieri Pauli Pasolini “Trê sants che nus condanin nô”, ven dî trê
figuris une vore contestadis de istituzion cuant che a jerin in
vite ma che il timp al à fat viodi trop profonde che e jere la lôr
vision de vite e la lôr azion, e che pre Antoni cul so libri al
difint cun fuarce metint invezit a clâr i limits di chei che ju
condanavin.
Par vê i libris o altris
informazions su la bibliografie di pre Antoni Beline, si pues
contatâ Glesie Furlane (www.glesiefurlane.org)
a chest numar telefonic 0432-957268.
Pre Beline, una parola ancora viva
Il presidente di Glesie Furlane (www.glesiefurlane.org),
Giovanni Pietro Biasatti; il sindaco di Codroipo, Vittorino Boem;
il presidente dell'Agjenzie Regjonâl pe Lenghe Furlane, Lorenzo
Zanon; il presidente della Provincia di Udine, on. Pietro
Fontanini; il segretario di Glesie Furlane, pre Tonin Cjapielâr
che à tenuto la relazione scientifica della serata e soprattutto
tanta tanta gente martedì 27 Ottobre hanno ricordato pre Antoni
Beline durante la presentazione della seconda edizione di
“Trilogjie Tormentade”, ristampato nell'ambito del progetto
pluriennale dell'Opera Omnia.
“Un percors che la
Provincie di Udin e in particolâr cu la profonde convizion dal so
presindent Fontanini e tornarà a dâ ai letôrs buine part dal
patrimoni bibliografic scrit di pre Antoni Beline” ha dichiarato
Giovanni Pietro Biasatti “Si trate di titui aromai esaurîts di
agns, di racueltis di articui e ancje inedits che a fasin sintî
che il messaç di chest grant scritôr che al à regalade la Bibie al
popul furlan te sô lenghe”. Un ringraziamento è andato anche al
comune di Codroipo per aver voluto celebrare anche i 30 anni del
premio San Simon con questa riedizione che coincide col decennale
della vittoria di pre Beline che nel 1999 aveva concorso proprio
con “Trilogjie Tormentade” e come ha ricordato il sindaco Boem “E
jere la seconde volte che pre Antoni al puartave a cjase il premi,
dopo che lu veve vinçût tal 1983 cul libri intitulât a pre Pitin”.
Il presidente della Provincia di Udine, finanziatore di questa
prima parte che comprende 10 titoli dell'Opera Omnia, on. Pietro
Fontanini ha sottolineato l'importanza del lavoro di pre Antoni
Beline che “Al à lavorât simpri par popul furlan e par dânus a nô
furlans chê braure pe nestre lenghe, pe nestre culture, pe nestre
identitât”. Lorenzo Zanon ha ricordato la figura di pre Beline,
iniziando dalla collaborazione che con pre Checo Placerean ha
portato alla traduzione della Bibie par furlan, della quale quest'anno
ricorrono i 25 anni della presentazione.
Ma la viva voce di pre
Antoni Beline ha risuonato ancora alla numerosa platea attraverso
le parole di pre Tonin Cjapielâr, uno dei suoi amici e
collaboratori più stretti, che ha fatto una profonda e sentita
analisi di “Trilogjie Tormentade”, andando a mettere in luce gli
elementi di comunione e di distinzione di don Lorenzo Milani,
Oscar Wilde e Pier Paolo Pasolini “Trê sants che nus condanin nô”,
cioè tre figure molto contestate dall'istituzione quando erano in
vita ma che il tempo ha dimostrato quanto fosse profonda la loro
visione della vita e la loro azione, e che pre Antoni col suo
libro difende con forza evidenziando invece i limiti dei loro
censori.
Per avere i libri o altre
informazioni sulla bibliografia di pre Antoni Beline, si può
contattare Glesie Furlane telefonando allo 0432-957268.
|
