| Chê
altre sere, intal Municipi di Manzan, si son cjatâs i atôrs
Lelo Cjanton (Aurelio Cantoni), vincidôr dal premi Pifanìe
furlane 2002 di Tarcint e promotôr ancje dai côrs di lenghe e
culture furlane, inmaneâts daspò de Societât Filologjiche
Furlane, Eddi Bortolussi e Monica Tallone, ancje lôr mestris di
furlan, ch'e àn presentât une serade di furlanetât dal titul
"Leteradure dal prin nufcent".
I tre
bravissims letôrs e àn let poesiis di Pieri Bonini, Milio
Nardini, Pietro Michelini (Pieri Corvat) di cui Lelo Cjanton si
è talmentri inmedesimât te leture di "L'orloi dai nonos"
che ae fin i presints no àn podût fâ di mancul di batij lis
mans. Ancje par Eddi Bortolussi e Monica Tallone no son
mancjadis lis batudis di mans cuant ch'a àn let oparis di
altris autôrs ch'a son stâts cjapâts a esempli par leturis di
poesiis come Vittorio Cadel, Celso Cescutti (Argeo), Enrico
Fruch, Bindo Chiurlo, Emilio Nardini, Ercole Carletti, Ugo
Pellis, Giovanni Lorenzoni.
Infin
Eddi Bortolussi al à ricuardât Riedo Puppo, muart di pocjs
zornadis e al à let la conte "Dreute", rigjavade dal
librut "Par un pêl" di Riedo Puppo stess e al à
comuvût ducj.
E jè
stade une serade veramentri tant biele e ducj i scoltadôrs, ae
fin, si son sbrocâts, no pôc, par complimentâsi cun chescj
brafs atôrs batentjur, a lunc, lis mans e a sperin di tornà a
sintiju a Manzan.
Valter
Peruzzi |
gnovis
dal Friûl e dal mont
