Asoltato per voi

Corale Synphònia
diretta da Devis Formentin presenta il CD "InCjant"
Presentazioni e recite di Enzo Driussi

Cesare Bartotto I vuardai tai to vui turchins, dulà ch’a si riflet l’aga clara dal me pais. I vui granc’, viers fra lis seis, ch’a si movin coma alis di ussiel ch’al tenta il so prin svol. Una lus a è lì dentri che in me i sint piarduda, una claritât di seil seren. E tu claris ti jodis lis robis e di lour ti scoltis il misterious movisi che jo pì no intint. Disimi se che ti jodis e fami provà par un moment il passâ dai penseirs tos di frut. Tu no ti sas nuja e ti ridis: jo j no sai nuja ma i plans. Se eisa ch’a ni divit, o frut? Li to venis son coma li plantis che in primavera a sintin il çialt da la natura e a van su viers il seil infinit. Tu i ridis e jo invessi, cul me penseir, mi sieri ta na tomba freida sensa respiru, e pì ch’ì capìs, mancu i sai di chista vita immensa ch’a inflamai toi vui turchins.	Alberta Barbieri Furlàns! Viargeit al cûr e slungjàit lis màns Furlans! Popul di emigrants… No sês boins di stà cu lis mans in man Ò vês un cûr dificil, ma c’al trame di passion Al ‘è un timp par lavorà E un timp par gjoldi …e lu savevin ancje tal cincent che par bevi un taj si cjate simpri un moment e alòre partait atôr il nestri cjant in ogni puàrt che tant le nestre lidrie no si dispiârt e cjantait plui fuart e beveit in compagnie chè di lavorà ò vês bisùgne, ma no si vîf cence ligrie
Alberta Barbieri - Elena Di Tommaso Distirade in t’un prât di mont, ò cjali il cîl che mi iemple di pâs e il gno cûr si scjasse ch’al pâr ch’al vegni fûr … sòio màte… ò forsit àio le fière?!! ….. ma no….. al’è l’amôr E criche le gnòt e mi insumii che lui al sedi cun me, che mi tignedi le man e che mi strengi fuàrt ….. … intant tu, o stèle tramontane, cidine cidine, tu sês daûr a vigni fûr. … e dal profont dal me cûr e nàs une prejère: …slungjie un sclip di lusôr tai nestris tròis e fâs che i nestris cûrs lontans si cjatedin ancjemò une volte sòt de to stièle	Alberta Barbieri - Elena Di Tommaso Come lusignis d’arìnt in t’une gnòt d’astât, lis tôs lagrimis, ò frùte, si platin sot dai toi cjavei e i mei suspiirs si rimpinin su l’ôr dal me cûr lontan. O aiarins di mont ch’ò partais atôr l’odôr dai pins, suàit daurman le muse de me biele e speseàit a fami tornà cjase fin che ò viôt lusôr
Martina Lucca Le stradèle Viòt une stràdele in chìste clàre gnòt di lùs di lune i clàps deventin d’arìnt, al pòlvàr un vèl blanc, tal cjàmp di blave insòmp dòi moròs si cjatin di scuindòn a cjàlà le stèlis tai lòr vòi a sintì le vòs tal lòr cùr	Luca Battistello Cumò o fasìn li nèstris, chês che tabàin di frùtis, rosùtis, stèlis, plevàns e bjei zòvins. Magari e somèin stupidagjnis Ma e sòn peràulis che partissin di lontàn, che sgàrfin fûr le medòle e nus pitùrin par chel ch’o sin. E alòre cjantìn, cjantàit, e se no sês bòins rugnàit par sòt, o pur balàit o pestàit li mans par tignì el timp. E se pròpit no cumbinàis cun nissune di chistis robis no impuàrte o podês simpri pajà di bevi.
Alberta Barbieri - Elena Di Tommaso Cjante sot vôs nainis che s’ imberdein te fueis che tramin di frêt; e un frutin s’insumie cul ricuart de liende che contave so mari…	Martina Lucca Nò che sence pòre cjantìn le stòrie nèstre insieme, par gust par ligrìe par scuviargisi amìs tantis vòs sòt al cìl serèn di Cucàne e di Grìs

Parrocchiale di Grîs-Cuccana, 28 Maggio 2005 C O N C E R T O "...usgnot il cûr al cjante..." Corale Synphònia diretta da Devis Formentin voce solista : Lorena Favot presentazioni e recite di Enzo Driussi
1	3.12	Il prin svual dal lujar – Lino Falilone
2	2.58	MASCARATA DA FURLANI - Giovanni Croce
3	3.58	A planc cale il soreli – elab.di Daniele Zanettovich
4	2.01	L’è ben ver che mi slontani - elab. di Giulio Viozzi
5	1.37	Il troi de braide - elab. di Orlando Dipiazza
6	4.25	Su cjantin, su balin - elab. di Albino Perosa
7	2.38	Cjant di Nadal - elab. di Orlando Dipiazza
8	4.14	Oh staimi atenz - elab. di Mauro Costantini
9	3.53	Gnòt di Nadâl - elab. di Albino Perosa