biel lant a Messe a...

Aquileia (UD), 13 Luglio 2014

...le Basiliche cjapade da diviersis angolaziôns...

Messa in furlan
cun leturis in sloven e todesc par l'avôt dal Friûl a Aquilee
presiedude da pre Rizieri De Tina e concelebrade cui predis di Glesie Furlane
sostignude dai Cantuôrs de Plêl di Guârt

         
Sù, fâsti dongje, int di Sant Ermacure, al to pastôr e a Fortunât rivolziti,
ai testemonis, che tu  sâs in glorie, parcè che pe lôr fede a àn dât la vite.
Achì passarin, come vint in furie, popui ruviei di brame e di tristerie,
ma tu âs viodût te dì de gran miserie, il segno che il Signôr no ti bandone.
Gjolt, Aquilee, Diu ti da la glorie, che, fruçonâts i mûrs de tô supierbie,
cence des armis cjantistu vitorie, pai tiei nemîs clamâts a jessi fradis!
Chi l'om furlan e chel da la Slovenie e il todesc a cirin amicizie
e, tant diviers, a cjatin une patrie, che e à tai martars dute la sô fuarce.
Chi la semence de Furlane Glesie, di Redenzion e puartave lis primiziis
e tal martiri si viestì di glorie, sfidant a muart la prepotence umane.
Laudât Idiu, Trinitât santissime, Pari, cul Fi, a pâr cul unic Spiritu,
che al sielç i debui, cun disen di gracie, par palesâ tal mont la sô potence. Amen.

 SIGNÔR VE DÛL DI NÔ

         
 LETURIS IN SLOVEN E TODESC

...dôs viodudis dal font e un prin plan durant la predicje...

...e une viodude slargjade dentri la Basiliche di Aquilee...

 SANT

...e dopo il Pari Nestri, il cjant a le Comunion...

Fradis miei vegnit a viodi la potence dal amôr:
ce che nus invide a crodi la peraule dal Signôr.
In te sere dolorose biel c’al stave par partì
il Signôr nus clame a cene duc’ insieme nu sûl vê.
Su la crôs za preparade La sô vite al pierdarà
Ma te cene che nus lasse cun nô simpri al restarà.

...imagjinis dopo la Comunion...

...intervent di pre Roberto Bertossi plevan di Vençon e la Benedizion prime del cjant finâl...

 LAUDATE DOMINUM

-.-.-.-.-.-.-.-.-.-.-.-.-.-.-.-.-.-.-.-

"Avôt dal Friûl", popul furlan in fieste il onôr dai Sants Ermacore e Fortunât           Popul furlan in fieste domenie a Aquilee dulà che si è rinovât l'"Avôt dal Friûl", il rituâl celebrât in onôr dai Sants Ermacore e Fortunât, patrons de citât di Udin e dal Friûl che si ripet di une cuarantine di agns inmaneât di bande de Glesie Furlane insiemit al mensîl "La Patrie dal Friûl". Presint ae cerimonie ancje il président de Provincie di Udin, Pietro Fontanini.           «Chescj moments - al à afermât - a son impuartants par rinsaldâ lis nestris lidrîs, il nestri leam cul passât e dutis lis componentìs de nestre identitât: lenghe, religion, culture. Chestis cerimoniis a rapresentìn ancje la ocasion par ricuardâ cui che al à contribuît a fâ cressi lis istancis autonomistes e lis sperancis dal popul furlan. Oltri a Pre Checo Placerean, jenfri i ideadors dal Avôt, il pinsîr al va a tancj altris che, come lui, si son batûts a difese dal Friûl. Des lôr batáis al va cjapât sù il testemoni e la fuarce parcè che tal Friûl di doman a restedin ben vîs e salts lenghe, culture, identitât, autonomie e libertàt». Impuartant al rivuart, al ricuarde Fontanini, il contribût che Glesie Furlane e à dât ae rapresentance politiche dal nestri popul cun intervents rilevants in plui setôrs e prime di dut in chel de lenghe.           Glesie Furlane, che chest an, cemût che al è stât ricuardât propit al tiermin de cerimonie di domenie, e celebrarâ i siei 40 agns di fondazion. Il prossim 28 di Avost, di fat, al cole il cuarantenâl de nassite di cheste realtât creade par volontât di dîs plevans de Cjargne. A lôr, propit ai 28 di Avost dal 1974, ricorence di Sant Agostin, ur è stade neade la celebrazion de Sante Messe in marilenghe. Intun document che a àn lassât sul altar te plêf di Zui, a àn scrit lis lôr motivazions. Di in che volte Glesie Furlane e à inmaneât une schirie di iniziativis parcè che ai furlans e fos dade la pussibilitât di preâ te proprie lenghe mari. In chest contest si inserìs la traduzion in furlan de Bibie par cure di Pre Checo Placerean e di Pre Toni Beline autôr ancje de traduzion dal Messâl che cumò si spiete di vê vie libare definitive di bande de Cei. Al diseve Pre Checo Placerean te predicje dal 1977 propit te basiliche: «Nô furlans, o capìn la peraule di Diu, par furlan.. No je dome cuistion di lenghe, e je cuistion di mût di sintì, di mût di esprimisi, di mût di capì»- Concets ripetûts ancje tal avôt dal 1979: «Nò furlans o sin nassûts, cressûts, tirais sù dai patriarcjis di cheste Glesie che a àn creât il nestri popul, nus àn dade la nestre origjinalitât di vivi, di lenghe e di preâ».