biel lant a Messe a...

Aquileia (UD), 19 Luglio 2009
Basilica Patriarcale

 CJAMPANIS

Sagre dal Patriarcjât
Messe Grande di Avôt di dut il Friûl

Benvignûts a ducj i Furlans, ai Slovens e ai Todescs ch'a àn condividût e a condividin la liende de vite tal non e tes idealitâts de Glesie Mari di Aquilee.

SOLENITÂT DAI SANTS ERMACURE E FURTUNÂT Il Friûl al ricuarde Ermacure, prin vescul di Aquilee, e Furtunât so diacun, che cul sacrifici de lôr vite a àn plantade chenti la prime comunitât cristiane fondade sul amôr, sul servizi, sul vanzeli, no su la prepotence, sul podê o su la cariere. Il grop di Glesie Furlane come ogni an al invide il popul furlan te basiliche mari di Aquilee pe Messe grande di avôt dal Friûl. E sarà la ocasion ancje par rispuindi a lis polemichis che di resint a àn viodût il non di pre Antoni Beline cjapât dentri inte discussion no propit corete des ultimis setemanis: Glesie furlane e La Patrie dal Friûl leiaran un comunicât a la fin de messe. L'apontament al è par domenie ai 19 di Lui aes 6 sore sere. E sarà la ocasion par preâ pal nestri popul, par cjapâ coragjo tal Signôr. Dopo Messe, si starà un moment in companie par un ghiringhel. Tal invît che chest an Glesie furlane e à mandât al è ancje ripuartât un pas di une predicje che pre Checo Placerean al à fat propit a Aquilee, te fieste dai Sants Ermacure e Furtunât di 30 agns indaûr. Al jere il mês di Lui dal 1979 e pre Checo al diseve: "No si fâs pastorâl ni di predis ni di vescui se no metintsi dacuardi e metintsi in simpatie, in sintonie cu la vite, cul mût di vivi, cul mût di crodi, cul mût di preâ, cul mût intîr di dâ significât a la esistence dal propri popul. No si salve il furlan se no cuntune pastorâl furlane. No si ricostruìs il Friûl se no cuntune cjase e cuntune glesie furlane. No moderne e nancje antighe; furlane. E no si puartilu in glesie imponint mût di preâ, mût di assisti o di cjantâ o in cualunche altre manifestazion religjose che si puedi fâ in glesie, che no sedi nestre, nassude culì. Che si deventi miôr? Si devente miôr aprofondint lis robis, capintlis profondementri, lant fint a font de robe par gambiâ, no metint i vistîts di chei altris". SOLENNITÀ DEI SANTI ERMACORA E FORTUNATO Il Friuli ricorda Ermacora, primo vescovo di Aquileia, e Fortunato, suo diacono, che col sacrificio della loro vita ha piantato qui la prima comunità cristiana fondata sull'amore, sul servizio, sul vangelo, non sulla prepotenza, sul potere o sulla carriera. Il gruppo di Glesie furlane come ogni anno invita il popolo friulano nella basilica madre di Aquileia per la Messa solenne del Friuli. Sarà l'occasione anche per rispondere alle recenti polemiche che hanno visto il nome di pre Antoni Beline coinvolto nella discussione non proprio corretta delle ultime settimane: Glesie Furlane e La Patrie dal Friûl leggeranno un comunicato al termine della messa. L'appuntamento è per domenica 19 luglio alle ore 18.00. Sarà l'occasione per pregare per il nostro popolo, per prender coraggio nel Signore. Dopo la funzione, seguirà un momento conviviale. Nell'invito che quest'anno Glesie furlane ha spedito è riportato un passaggio di una predica che pre Checo Placeran ha fatto proprio ad Aquileia, per la festa dei Santi Ermacora e Fortunato di 30 anni fa. Era il mese di luglio del 1979 e pre Checo diceva: "No si fâs pastorâl ni di predis ni di vescui se no metintsi dacuardi e metintsi in simpatie, in sintonie cu la vite, cul mût di vivi, cul mût di crodi, cul mût di preâ, cul mût intîr di dâ significât a la esistence dal propri popul. No si salve il furlan se no cuntune pastorâl furlane. No si ricostruìs il Friûl se no cuntune cjase e cuntune glesie furlane. No moderne e nancje antighe; furlane. E no si puartilu in glesie imponint mût di preâ, mût di assisti o di cjantâ o in cualunche altre manifestazion religjose che si puedi fâ in glesie, che no sedi nestre, nassude culì. Che si deventi miôr? Si devente miôr aprofondint lis robis, capintlis profondementri, lant fint a font de robe par gambiâ, no metint i vistîts di chei altris".

         
CJANT DI SANTE ERMACURE E BENVIGNÛT

     Tornâ a Aquilee al vûl dî tornâ li di mê mari e sintî il bon odôr de mê tiere. Nissun intal passâ dai agns nol rive te cjase de mari  cence vê il propi cûr sglonf di memoriis, di vite e di afiets e nessun al dismentee i odôrs e i colôrs des stagjons che di piçul in sù al à  nulît e cjalât.
     Vuê, usgnot, viodi i mosaics, cjaminâ sot i arcs des colonis,  sentâsi par contemplâ i spazis fra l'ombre e la lûs de Basiliche,  al è come sintîmi strenzût di une mari, al è poiâ i pîts intal fresc di un biel prât, scuvierzi un cjanton segret e vitâl di me stes.  

LETURIS IN SLOVEN E TODESC

     Culì l'anime nestre si cuiete e e devente lizere, culì la  memorie si piert tai secui passâts, culì vuê si cjate la pâs e te pâs al  rinàs l'avignî. Sì, cheste glesie e je come une Bibie che e comprent dute la storie, sacre, sante, incjarnade dal nestri Friûl. Culì, come  te Bibie, al svualampe il Spirtu Sant.
     Nol è tragjic il timp che o vivìn; Aquilee ind à viodûts  une vore di piês; al è forsit un timp li che la fin e il principi, gnot e  dì, scûr e lûs cuasi si tocjin. A son vonde argoments par dî che il Friûl al finìs, a son vonde motîfs par dî che murint al rivîf. Sore di  nô o podìn tant vaî che sperâ. Forsit a son agns come un grant arc  di S. Marc, come il passaç dal Mâr Ros. O sin furtunâts, o sin fra passât e avignî, o assistìn a un travai. Stant culì in cheste glesie, mi  plâs ricuardâ la peraule di Crist: “La femine, cuant che e parturìs,  e je avilide parcè che e je rivade la sô ore. Ma cuant che e à parturît un frut, no s'impense nancje plui di trop che e à patît, par vie  de contentece che al è nassût un om” (Zn 16,21). Il nestri moment al è grant, al è propit cussì.
    

 LA PREDICJE

Al dîs Gjesù tal Vanzeli: “Chel che al semene al è diferent di chel che al sesele. Jo us ai mandâts a seselâ ce che no vês fadiât; altris a an fadiât e vualtris o vês cjapât il lôr puest te fadie” (Zn 4,37-38). E je la nestre mission.
     Ma al zonte il Signôr: “Alçait i vuestris vôi e cjalait i  cjamps: a son  palomps par seselâ” (Zn 4,35). Il ben ancje vuê al vinç sore il mâl.
      Usgnot, pôcs o tancj, o ringraciìn Idiu di cjatâsi insieme te nestre Basiliche mari pal avôt dai Sants Ermacure e Furtunât; doman, o continuarìn a lavorâ cun fiducie te culture e te societât, te glesie e te spirtualitât, tai paîs e framieç dai plui piçui, pe nestre identitât di popul furlan e pal nestri avignî di cristians tal spirt di Aquilee.

 CONSACRAZION

      Lavorìn fra umiltât e passion, competence, sacrifici e pazience, e dut  al frutularà pal ben dal Friûl. Stin serens parcè che ancje culì: “Il  ream di Diu al è propit cussì: come un om che al à butade la semence  tal teren, e po al duâr e al vegle, di dì e di gnot, intant che la  semence e bute fûr e e cjape pît cence che nancje lui nol sepi cemût. Il teren al bute dibessôl prime jerbe, po spî e po tal spî il forment sglonf. Cuant che po il prodot al è madûr, si spessee a meti man a la sesule parcè che e je rivade l'ore di seselâ” (Mc 4,26-29).
      Cjalant cheste glesie, pensant a Aquilee l'anime e polse  come frut intai braçs di une mari, e l'afiet al florìs tai valôrs e tal biel che la tiere mari nus dà. (Glesie Furlane)

 PARI NÊSTRI

 DINSI LA PÂS

...leture dal comunicât...

CUMIÂT

Come facciamo sempre in occasione di simili eventi, per il nostro archivio abbiamo prodotto un Audio-CD con la registrazione dei canti e di tutti gli interventi in voce durante la cerimonia. Potremmo completare il lavoro con una degna copertina solo se qualcuno fosse interessato a conservare una copia a ricordo della cerimonia. Contattare il numero 0432 720179 o l'indirizzo e-mail: aldo@natisone.it