curiosità di ieri e di oggi

Fiêste grande tai Cjasâi di Pitàs
(24 Maggio 2000)

Fieste grande tai Cjasai di Pitàs
(furlan di Levrôns miscliçât)

Come ogni an, il 24 di Maj tai Cjasai di Pitas, si festegje la fieste di Marie Ausiliatrice. Chest alè il secont an che iò o partecipi, ma mi dîsin che chiste biele tradizion si ripet da unevorone di aigns.

‘O hai notât che i abitans di chês cuatri cjasis, e son tant orgogliôs de lôr fieste e de lôr glesiute che cirin di fà dut il pusìbil par fa contents ducj i partecipans alle sipatiche fiestute. No hai mai viodude Rinalde Pitase cusì contente di viodi dute chê int, tant che à aprofitât de ocasion par fa un gîr pe plaçe cun t’une ceste in man e domanà un piçul contribût par restaurà la clesiute.

In cheste occasion, tancj di chei ca son nasûs e cresûs lì, ma che les liendes de vite iù àn puartâs a là vie, il 24 di Maj a tornin tai Cjasai par vê l’ocasion di incuintrà amîs e parêncj, che forsit no viodevin da tancj ains.

Grasie ancje alle disponibilitât di don Edoardo, che in chêstes ocasions non si tira mai indaûr, ormai jè deventade une tradizion pe comunitât parochiâl di Orarie (ca cômprent ancje Levrôns e Pagjâr), cjatâsi alis sîs di sere par asisti alle Messe e podopo sintâsi dongje lis taulis preparadis sulle plaçute, che in cuatri e cuatri vot si jemplin di ogni ben di Dio.

La fieste de Madone Ausiliatrice ai Cjasai di Pitàs jè diventade cusì famose, che jere intervegnude parfin la TV… no si tratave de CNN, né de RAI e nancje di Telefriuli, ma el jare el nêstri compaesàn Antonino, cal manovrave la sô potente telecjamare, su ordin di Nino Pancôr.

Jò, vidût che non podevi regj alla concorençe, mi soi limitât a jeplà di fotografîs, le dôs schedês di memorie de mê Olympus digitâl, fin che ‘o ai dovût smeti par l'esauriment da baterie.

Come ca sucêd in chestes ocasions, dopo un’orute si è scuminçât a sintî ca e là i prins tentatîfs par imbastì qualche cjuse chal podere someà un coro.

Dopo pôs minûs, un coro cal podere fai concorençe a chel di Rude, si è formât in t’une taolade, dulà ca ere "spuntade" ancje une chitare. Il grôp di coriscj si faseve simpri plui gruês e il repertori simpri plui vàst, ma jò mi auguravi che vegnès fûr ancje una armoniche… alore sì che o varès tirât fûr i miêi "argains" par regjstrà dut il concêrt.

Non sai ce ore ca jere, ma cuant che àn impiât i faros par iluminà le plaçe ma une armoniche non si viodeve, o ài pensât di ritirâmi, ancje percè chal scuminçave a fa frescut. e iò o vevi une maute cu les maniês curtês.

Saludâs e ringrasiâs gli organizadôrs a puartade di man mi soi ritirât, prometint a me stès che il prosin àn no varès mancjat all’apuntament del 24 di Maj.

Prest a Levrôns si festegjerà la Sênse, ma purtrop non si podarà fa nancje la Messe, parcè che la glesie iê "imbragate" con t’une impalcature di une Ditte par lavôrs di restaur. Pecjât, parcè che chêst àn, contavi di invidà Pivute cu la sô armoniche a fà cuatri sunadis. 
Sarà par un’altri àn… se o sarài ancjemò i vîf…!